राष्ट्रिय स्वतन्त्र पार्टी यूकेद्वारा विशेष भेटघाट तथा संवाद कार्यक्रम आयोजना

राष्ट्रिय स्वतन्त्र पार्टी (रास्वपा) प्रवास सम्पर्क विभाग, यूकेले माननीय सांसद तथा पार्टीका विदेश विभाग प्रमुख श्री मनीष झासँग विशेष भेटघाट तथा संवाद कार्यक्रम आयोजना गर्ने भएको छ।

कार्यक्रममा समसामयिक राजनीतिक विषय, प्रवासी नेपाली समुदायका समस्या तथा चासो, युवा तथा शिक्षा क्षेत्रका अवसरहरू, साथै राष्ट्र निर्माणमा प्रवासी नेपालीहरूको भूमिकाबारे खुला अन्तरक्रिया तथा प्रश्नोत्तर कार्यक्रम सञ्चालन गरिनेछ।

सुरुमा घोषणा गरिएको कार्यक्रम स्थल परिवर्तन भएको जानकारी गराइँदै कार्यक्रम अब Builders Arm Pub, 36 Derry Street, Wolverhampton, WV2 1EY मा आयोजना गरिनेछ। कार्यक्रम आइतबार बिहान १०:०० बजेदेखि प्रारम्भ हुनेछ।

समुदायसँग प्रत्यक्ष भेटघाट, विचार आदानप्रदान तथा नेपाली समुदायबीच एकता र सहकार्यलाई थप मजबुत बनाउने उद्देश्यले आयोजना गरिएको यस कार्यक्रममा बेलायतस्थित सम्पूर्ण नेपाली दाजुभाइ तथा दिदीबहिनीहरूलाई सहभागी हुन हार्दिक निमन्त्रणा गरिएको छ।

कार्यक्रम विवरण:
• आयोजक: रास्वपा प्रवास सम्पर्क विभाग, यूके
• विशेष अतिथि: माननीय सांसद तथा विदेश विभाग प्रमुख श्री मनीष झा
• मिति: १ नोभेम्बर २०२६, आइतबार
• समय: बिहान १०:०० बजेदेखि
• स्थान: Builders Arm Pub, 36 Derry Street, Wolverhampton, WV2 1EY